Chi è l'amuri ? di Gianni Farruggio

'Un' è facili spiegàri chi è l'amùri,
veni all'intrasatta, u senti dintra o cori,
è cumu un ventu caudu chi t'accarizza a peddi,
è un sensu di piascíri, u sangu ca ti vuddi.

E c'è l'amuri di la mamma
ca dassi a vita pu so figghiu,
pi idda è tuttu, è a so sciamma,
'nto munnu, nun c'è miegghiu,

Su varda, su vasa ,
'nto pettu si lu strinci
quannu arridi...inchi a casa
su pieni......quannu chianci.

E c'è puru chiddu pi la terra
pu paisi unni criscisti,
pi li strati , pi la piazza,
pa casa unni nascisti.

Ah ! L'amùri è bellu s' è sinceru !
E si ci ll'hai , tienitillu caru !
pirchì so perdi, iò ti l'assicuru :
ca tuttu 'on corpu ,t'arritròvi o scuru !