Mentri u miedicu studia , u malatu si nni va ! 

Dutturi, prontu ! : U sceccu mia sta mali, 'un poti caminari !
Tu scerca di nù sfurzàllu, e fallu arripusari !

Dutturi : U sceccu mia vulissi , ma a tratti nun mi ragghia !
'Un'è nenti di gravi, va e ci canci a pagghia !

Dutturi : U sceccu mia si sforza , ma 'un ci attisa !
E tu aiutalu cu viagra, quannu ci mietti a spisa !

Dutturi : U sceccu mia 'un ci a fasci, fa scilecca !
Ahh! Po capitari a tutti, forsi 'un ci piasci a scecca !

Dutturi : U sceccu va arriedu , si stasci annichiliennu !
'Un t'abbiliari , sarà curpa da scecca, ca invesci u sta strudiennu !

Dutturi : U sceccu perdi u pilu, i tutta la mantella !
Uhmm, bruttu signu ! 'Un'è c'arrivò l'ura, i fari a murtadella ?

Dutturi : U sceccu mia da vucca, jetta forza i bavi !
Ma mu sa diri, stu sceccu, quantu cazzu d'anni havi ??

Dutturi : Passaru già du misi, ca iò vaiu sbattiennu,
e mentri tu ancora studi, u sceccu u staiu pirdiennu !

di Giovanni Giardina Lipari -02-03-2013-