L'appuntamentu

Mi ggiru e mi riggiru 'ntra lu lettu
arridu e penzu comu fussi ora
a quannu ti strincia 'nta lu pettu
e tu scappavi sutta li linzòla.

'Ntà li me vrazza poi t'addurmiscivi
stanca d'amuri e iò ca ti uardàva,
comu na picciridda mi parivi
e senza sciatàri tutta ti vasàva...

Sentu ancora lu sciauru di tia
quannu sulu 'pa casa mi furrìu,
dannata e maliditta gilusia
tu nun c'intravi, u tortu è sulu miu !

Amuri miu, mi pùa pirdunàri ?
'Ntà stù missaggiu miu chinu d'amuri
c'è scrittu ca s'ancòra mi voi 'bbeni
stasira e novi, o nostru postu veni !

Sunnu li novi e u scrusciu di lu mari
m'arricorda i mia e li tò suspiri....
a luna ca nni stavà a uardàri
cumpagna ruffiana i tanti siri.

I novi e cincu,ancòra tu nun veni
e stù pinzeri mi fà stari mali....
I novi e 'ddeci,m'addumu a sicaretta,
passa cchiù prestu u tempu pì ccù aspetta....

I novi e 'nquartu, li spiranzi perdu...
ormai nun veni cchiù, si fici tardu !
I novi e vinti, minn'accuminciu a ghjiri...
di mia, 'n'unni voli cchiù sapiri....

Ripigghiu strata, sentu scrusciu... mi giru...
forsi si tu, si, si,... ora ti viru...
mi pari 'nsognu, tu curri versu i mia....
nun mi trattegnu cchiù,chiamu....Maria !...

L'ultimi passi....m'abbatti forti u cori....
e cumu un film a rallentatori,
ti pigghiu 'ncoddu, mi veni d'impazziri...
filici isu l'occhi........a luna arriri !

Edilcisa Costruire una casa alle Eolie

Materiali edili tradizionali e moderni, idraulici, sanitari, legnami, piastrelle.

 

Via Stradale Pianoconte 23 - 25 - 98055 LIPARI (ME) Tel: 0909811819 - fax: 0909811050 - e-mail: info@edilcisa.it