Eventi e Comunicazioni

Arcudi: Vicina e Luntana

Arcudi è luntana, fora da lu tempu,

E pari 'na Sirena chi canta cu' lu Ventu.

Arcudi è 'na finestra chi duna supra u' mari,

Cu' ciàuru 'i ginestra ti fa puru 'nzunnàri.

Arcudi è terra amara e fora di lu Munnu,

Spirduta 'nt'a 'nu mari Chi pari senza funnu.

Arcudi è 'na sorti chi 'un cància mai,

Chi strinci sempri forti e 'un ti lassa mai.

Arcudi è l'illusioni ch'a Vita po' canciàri,

Esti 'a fissazioni ch'un ti fa rassignari.

Arcudi è 'nu mumentu, E' cumu 'na nigghiàra,

E' un 'ghìri contraventu, Arcudi è vita amara.

Arcudi è un sintimento suspisu 'nt'a lu tempu,

Ch'assuma 'nt'a la menti purtatu da lu Ventu.

Quannu ti senti 'spersu e stancu 'i viaggiari

Arcudi è l'universu 'unni ti po' firmari.

Parole e Musica: Antonio Famularo

Da: Grafemi e Fonemi

famularoantonio@yahoo.it

Tel. 338 1899790