Eventi e Comunicazioni

Pirchì cu l’I.N.P.S…
di Giovanni Giardina   5 – 12 - 2012 -    

Passaru li jorna mia, mi fisci ranni

e vaiu sbattiennu a testa a tutti vanni

mi fazzu forza e mi dugnu aiutu

ma sugnu stancu e già sugnu strudutu.

Iò quannu travagghiava, era scircàtu,

ora c’on siervu cchiu’, sugnu scansàtu,

scuntru l’amicu i sempri, u salutu   m’pasci

mi fa’ na giriata i culu   e si ‘nni vasci.

Pi junta sti tassi fuoru na’ ruvina

e poviri ‘nni rumpieru   già a carìna.

ma i liggi parlanu   chiari… su trasparenti

e cchiù i lieggi e cchiù ‘un capisci nenti.

Finieru i bieddi   tiempi di la pinna,

tiranu   cunti e cu spinna, spinna,

prima si usavanu   i calcolatrici

ora a buttana d’iddi e cu li fisci.

Ammatuli   ca ci scierchi chiarimenti

ti fannu jttàri u sangu a documenti

oggi   su tutta   genti prevenuta

miegghiu ti sarvi u sciatu…nuddu t’ascuta !

Passu li jorna mia pigghiannu appunti

pi fari quatrari tutti quanti i cunti

ora ca m’avìa un puocu arripusàri,

‘un sacciu cchiù, chi pisci haiu a pigghiàri!

Mi discinu:  ‘Un ci pinsàri ! ‘vatti a svagàri’!

però ‘ssa sigaretta   l’ha ghittari !

sinnò t’attuppa   l’aorta, e púa cripàri !

Pirchì: forsi cu l’I.N.P.S….Oggi si po’ campàri ??