393.97.18.272 - 393.97.18.431
SAN GIUSEPPI !
19 – 03 – 2014 -
Oggi arrivò u juornu i San Giuseppi
trasìu ‘nta criesa e teniri ‘un mi seppi
isaiu l’uocchi e chinu di rispiettu,
sintìu cumu na’ fitta dintra o piettu.
Vardàva cumu un patri s’arriddusci
pi purtàri tutti i jorna a Santa a Crusci
‘nta manu tieni sempri ssu’ vastùni,
e u Figghiu ‘ncuoddu, mai l’ abbannuni.
Ormai ca sugnu cca’, fammi pruvàri !
Ti vuogghiu sulu fari arripusàri
proimèla a mmi, ‘un puocu ssa’ Criatura !
rifriscatela ‘a spadda ……...ammenu n’ura !
U fazzu cu tuttu u cori ’ un ciercu nenti,
si Tu ma pruoi a mmi’,… riestu cuntenti ;
iò puru sugnu patri , sugnu imparàtu
ma vuogghiu sulu teniri o me latu .
Puru chist’annu, Ti fannu’ i quadari !
ammenu i poviri hannu i chi manciari !
Cumu su belli chisti tradizioni !
Piatti i minestra e benedizioni.
Mentri stava scriviennu a pinna mi lassò
e a forza di jttàri lacrimi a carta si vagnò.
Mi fazzu ora u signu di la Crusci,
chiddu c’ancora manca, Tu dicu a vusci :
“Iò vinni cca’, pi dariti n’aiutu
pirchì a fedi ancora, ‘un l’haiu pirdutu “ !
Giovanni Giardina
