Eventi e Comunicazioni

Notti - di Graziosa Casella 

Notti ca scinni cheta e silinziusa
disiata tu veni all'arma mia!
Quannu si' chiara o quannu si' scurusa
sempri la benvinuta dugnu a tia.

Oh! Quantu tu ppi mia si' priziusa
ca l'estru svigghi a la me fantasia
la to calma prufunna e maistusa
fidili e duci mi fa cumpagnia.

Amica notti, quantu mi piaci
'nta li to' vrazza lu 'nsunnari è duci
ca mi circunnu d'umbira e di paci.

Mi fai 'nsunnari rosi e tanti ciuri
mentri c'all'alba ccu la nova luci
trovu la vita ccu li so' duluri !

Traduzione in italiano
NOTTE – Notte che scendi quieta e silenziosa / desiderata giungi alla mia anima! / Che tu sia chiara o buia / sei sempre benvenuta. // Oh, quanto sei preziosa per me / accendi l'ispirazione e la fantasia / la tua calma profonda e maestosa / fedele e dolce mi fa compagnia. // Amica notte, mi piaci tanto / tra le tue braccia è dolce sognare / circondata d'ombra e di pace. // Mi fai sognare rose e tanti fiori / e invece all'alba con la luce nuova / ritrovo la vita con i suoi patimenti!