Eventi e Comunicazioni

Amuri granni ! di Erika Farruggio

Questa poesia la dedico alla mia compagna che per lunghi anni mi ha accompagnato e con amore e pazienza mi continua ad accompagnare  lungo il mio cammino e verso  il mio destino “  TI AMO .

Carusi picciutteddi nni 'ncuntrammu
eramu beddi puliti e senza menu
ccu la manu 'nti la manu ni nni jemu
sia ccu lampi oppuru a ciel serenu

Quannu certi voti nun vinèvi
i porti du me cori tu chiurèvi
senza caluri e llustru mi lassavi
quantu duluri e peni ca mi davi

'Nta la me stanza fridda e nicaredda
iu m'arrunchiava, mi facevu nica nica
ogni pinseru ppi tia,....na faidda
o scuru la to facci era na stidda !

Ranni e sinceru però è u sintimentu
di l'amuri ca ti vogghiu, nun mi pentu
ponu passàri l'anni finu a centu
ma iu vicinu a tia sempri mi sentu.

Di la nostra sorti semu cuntenti
n'ha datu n'figghiu ca è cosa galanti
riccu di tuttu, non ci manca nenti
ccu tri niputi ,tri veri talenti.

Hamu viaggiatu vicinu e luntanu
n'hamu spartutu lu pani e lu vinu
Hamu 'nvicchiatu supra o stissù cuscinu
N'hamu tinùtu sempri stritta la manu