"Na curuna di diamanti"
di Giovanni Giardina

clicca sul triangolo per ascoltare

Un ghiornu, mentri u Diu Patri Onnipotenti
passiàva 'ncielu 'nsiemi cu li Santi,
alla Sicilia pinzò i fari presenti
e da curuna si scippò i diamanti !

Da curuna si scippò setti elementi
e li pusò a mari 'nfacci a lu livanti,
Eolie li chiamarunu la genti
ma di lu Patri Eternu su i diamanti.

Pinsò d'accuntintari a tutti quanti
a chiddi viscini e a chiddi cchiù distanti
e pi fari cuntenti a tutti i naviganti
li dutò a mari di du fari ardenti .

Da terra matri nn'arrivaru tanti
e ringraziaru a Diu pi ddi brillanti,
poi grati pi ddu riàlu chi ci fisci,
jarmàru muri, torri, casi e criesi .

I t'annu accuminciò un cruscivia
c'era cu arrivava e cu è chi ripartìa,
da luntanu si partieru puru i pirati
ma a fierru e fuocu, fuoru ricacciati !

Ma chistu è nenti, è sulamenti un suntu,
a storia è longa, anutili va cuntu,
tantu u sapiti, cumu iù a finiri ,
a st'isuli ci rrubbaru l'avveniri !

Oggi, i figghi a Diu su scurdàru !
Oggi, esisti sulu u diu danaru !
P'un pugnu di latruni e di briganti :
" Ristammu cu na mani d'arriedu e una davanti "