Eventi e Comunicazioni

SI NNI RESTA!… di Giardina Giovanni

clicca sul triangolo bianco per ascoltare

Iò mi curcu 'nta stu liettu, cu Gesù vigghia lu piettu
corpu dormi e l'alma vigghia, veni Gesu e si la pigghia.

Penza Renzi a puostu i Letta a svuoitarini a sacchetta
perdi tiempu e si dispèra, cu ci cridi e ancora spèra.

Voli fari, dà spiranza, ma 'un funziona sta vilanza
mentri tenta d'aggiustàri, l'autri continuanu a rubbari

S'ha bisuognu o ti fa mali, sta chiudiennu li spitàli,
si vo fari cacchi figghia, un c'è nuddu ca ta pigghia .

Prima di iri pa pinsioni, va controllati a prissioni,
u parrinu già nnu dissi : "Senza sordi, 'un canta missi "

. Di la banca 'un ti fidàri, puru u culu si fa dari,
e pi fari quatràri i cunti, i negozii fannu scunti.

E pi nun canciàri prassi, u Comuni aumenta tassi,
pi putiri rispiràri, puru l'aria fa pagàri.

Sunnu jorna di Natali e iò già mi sientu mali,
ddi du sordi missi i latu, si nni vannu pu palàtu !

Ma 'un finisci lu malannu, dopu arriva u Capu i l'annu ,
cu l'iniziu i l'annu nuovu : " Si nni resta ...pu rinnuovu !! "

Chi vaiu a diri ? Pi ora accuntintamuni i sta bella tarantella , c'appriessu ci penza Diu !

Auguri di buon Natale. & Buon Anno nuovo a tutti 

Giovanni Giardina