Eventi e Comunicazioni

Cu ti manna ? di Antonino Fontana 

clicca sul triangolo bianco per ascoltare

L'uffici chini su' tutti di genti,
chi li sordi si pigghianu arrubbati,
picchì sunnu 'nsignàti a 'un fari nenti
e dicinu chi su' tutti sudàti.

Rispettanu l'orariu esattamenti,
s'annoianu si sunnu disturbàti,
e mettinu a la porta sull'attenti,
a chiddi chi nun su' raccumannàti.

'Sta liggi troppu storta a mia mi pari
e ci vulissi un mezzu pi canciàri,
ma cu' cumanna mi l'ha cunfirmàtu,
chi cu' travagghia veni disprizzàtu.