Eventi e Comunicazioni

Poesia recitata da Giovanni Giardina

Lettera al Presidente del consiglio ! di Bartoluzzo Ruggiero

Illustrissimu Presidenti !
Mi dispiasci, fu deludenti,
nni prumisi mari e munti
deludiennu a tutti quanti.

Fidusciusu ìvu a vutàri
cumu un cretinu vosi canciàri,
m'assuppàvu ssa bella batòsta,
e ghiuornu e notti mi doli la testa.

Tutti simu già salàti
cumu e sardi 'ncugnittàti
chissu propriu 'un ci vulìa,
poviru iò e a famigghia mia !

Umiliàti, meravigghiàti,
stritti e mali cumminàti,
chi sarà du nostru avveniri ?
Chistu propriu, 'u nu pozzu sapìri.

Sta dumanna ci a vogghiu fari:
" Cumu fasci Lei a campàri ? "
Sugnu vecchiu pensionàtu,
si mu 'nzigna, ci nni sugnu gratu !

Grazie, cu tanta stima e tantu rispiettu,
fiduciusu a risposta l'aspiettu !

Vartuluzzu Ruggieru