Eventi e Comunicazioni

Lu cori non 'vecchia mai ! di Nino Martoglio - recitata da Giovanni Giardina

Vitti a me' nannu, di la scrivanìa
nèsciri 'un sacciu quantu vecchi carti,
leggirli tutti e mettirni in disparti
talùni 'ntra 'na vecchia librarìa.

Ma ccu tanta primura e ccu tant'arti,
ccu tantu affettu e tanta gilusìa,
chi appena di la porta iddu niscìa
li vosi lèggiri pur'iù :
La cchiù parti eranu vecchi littiri amurusi...
ed iù liggèva, quannu, isànnu l'occhi,
vitti a lu nannu!... ........Fici milli scusi...

Iddu m'amminazzò ccu lu vastùni
e po' ridenti dissi: « Scarabocchi di giuvintù ! »
e jttò du' lacrimùni !