Eventi e Comunicazioni

‘Nta stati o me paisi!
di G. Giardina- 18-07-2013-

Si Diu nun m’avissi datu aiùtu,

a st’ura.....già mi nn’avissi iùtu ,

Nun bastava ca ‘nto‘nviernu stàmu esiliàti ,

pi cumpletari, ci mancava sulu a stati !

Pi nesciri fora e ghirimi a svagàri

nu sacciu mancu iò p’unni pigghiàri.

E l’amministraturi allura, chi ci su a fari ?

Tra chiddi c’on’hannu fattu e tra chiddi c’on fannu nenti,

mi livàru puru u spassu, di iri o Portinenti .

Scuola, giustizia, trasporti, sanità, ecc..

su tutti signi di alta ci..vil..tà,

ma nuautri simu sulu buoni pi pagàri ,

e poi quannu ha bisuognu eh!... pò cripàri !

Mi disci u dutturi : “ Niesci,di intra, va fora, vatti a svagàri ”

“Unni ? Quannu ? S’on si trova mancu un puostu pi pisciàri !!

A machina mia, già l’ebbi a fermàri,

pirchì ‘nta stu paisi, ‘un si pò cir..co..là..ri !!

Machini, casini, divieti unni và và,

questa è la nuda e cruda re..al..tà !

Ca scusa ca i turisti portanu sordi,

nuautri , nni ritruvàmu cchiù ‘nta merda !

Tra fiesti, fistini, sonàti , cazzi e mazzi,

c’esti cu futti e cu è chi fa ’ntrallàzzi,

e u rincoglionitu dintra, nun capisci,

quannu accumincia a stati e quannu finisci !

E allura u svinturàtu ch’avi a fari ?

Mancu na vuccàta d’aria pò pigghiàri !

Stasci crusciàtu dintra e si dumanna,

sa sua è pinitenza, o na cunnana .

L’anzianu,u sciuncu, u poviru, u disgraziàtu,

quannu mai, ha statu cunsidiràtu ?

Smanìa dintra ,di niervi mancu mancia,

e spera sempri ,ca musica ci cancia !

Comunque : Iò stu Sinnacu u ringraziu,

ca pi l’aria, ancòra ‘un pagu daziu

e dda vota ca mi fazzu a caminata ,

‘un mi fa pagari mancu a carta bullata !