Eventi e Comunicazioni

di Giovanni Giardina

Gentile direttore, ultimamente alcune sentenze emesse dai tribunali italiani hanno creato molto scalpore e sono state oggetto di numerose polemiche e dibattiti . 

A tal proposito mi sono ricordato di una poesia scritta da  Alfredo Ossino  “  A liggi ! “

A LIGGI !  di Alfredo   Ossino 

L’omu è cunfirmàtu di la scienza

di l’animali havi la discennenza

di diri sta cosa nun sugnu cuntentu

ma di li bestii, havi lu so comportamentu.

Spissu l’istintu di supravvivenza

ci fa fari li cosi cu ‘ncuscienza

i so simili i cunsidira rivàli

comu fannu l’avidi animàli !

Lotta, robba, ammazza puru l’amici

ed è cummintu ca campa cchiù felici

da quannu Adamu fici u primu tradimentu

continua sempri e mai èsti cuntentu.

I diritti di l’avidi nun hannu ‘mpurtanza

pensanu sulu a la so cummininenza,

da li tempi antichi lotta pi ogni cosa

mai si stanca e mai si riposa.

Però cu tempu,ha capùtu l’importanza

di raggiunàri c’un pocu di criànza

pi forza di cosi s’ha ‘mparàtu

ca ci voli ordini ‘nta lu criàtu.

Oggi ci voli, a civiltà impòni

na cosa ca risorvi a situaziòni,

na cosa ca tutti hannu a rispittàri

soffrunu i debuli.. ma pònnu campàri !

Accussì ha spirimintatu un marchingegnu

c’avi a esseri di tuttu u munnu lu sustègnu,

pi simbulu ci missiru na vilànza

cu na scritta ca nni cunta l’importànza.

Sta cosa si dici ca pi funzionàri

havi bisognu ca sempri ritta `avi a ristàri,

ma a natura si sapi è disgraziàta

e sta vilanza abbucca sempri i na latàta !

Allùra curri l’omu p’aggiustalla

s’appènni d’un latu , ma tonna sballa

currunu avidi p’aggiustari a situazioni

a s’appennunu pi farici canciàri posizioni !

Di sta cursa u sapìti u risultàtu,

e cca vilànza na naca è divintàtu

ma si sapi ca l’oggettu di lu jocu

finisci, ca dura sempri pocu !

O spissu si rumpi sta vilànza

cu sulu scopu, di inchirisi la panza !