Eventi e Comunicazioni

Egregio direttore, mi consenta di ringraziare pubblicamente l’amico Angelo Cervellera di Salina che, dopo aver rinvenuto  questa lettera scritta intorno agli anni 1800/1900 (  in un cassetto di un vecchio comodino ), se non l’avesse mai scannerizzata e alcuni mesi fa inserita su f.b. non avrei mai potuto leggerla e pertanto neanche  recitare .

Un salinaru scrivi a sso frati !

1
Isti cu vuluntà e cu 'ntelligenza
armatu di gran cori e cu spiranza
ma ti scurdasti a casa la spiranza
ca 'nta la vita ha la so 'mpurtanza.
------------------- 0 ------------------
Tu ti scurdasti o frati e lu bisnonnu
lu ziu, lu papà e li parenti
chi persiru la vita e lu so sonnu
circannu i fari beni a chista genti .
------------------- 0 -------------------
Campavi 'nsanta paci e unni vulisti
turnasti a lu paisi e timbarcasti
'nto 'nvuzzu troppu chinu i camurristi
fascisti vila e cu iddi abbuccasti .
------------------- 0 ------------------
Dimmielu tu chi cazzu 'nni fascisti
di la to vita di li to spiranzi
ora chi 'nta li scogghi ti'nni isti
da mala sorti Diu chi ti nni scanzi .
------------------- 0 ----------------
Oggi su tutti quanti tradituri
e 'nsanta paci nu'mpò cchiù campari
fissa cu faci beni cull'onuri
amarizza sultantu po 'ncassari.
------------------- 0 ----------------
Cu ti vota la facci e cu ti piscia
su tutti buoni sulu a fari rascia
'un c'è cchiu' nuddu ora ca t'alliscia
ristasti chi cugghiuna 'nta la cascia .
------------------- 0 -----------------
La vita nostra è tutta n'esperienza
basta sapirisilla quartiàri
cull'occhiu vivu e cu ll'antilligenza
pruviannu sempi li corpazza i mari.
------------------ 0 ----------------
Dopu tant'anni di timpesti amari
s'avi a sapiri teniri u timuni
cu lu curaggiu di li marinari
ca pi la vulunta sunnu liuni .

2

Cumu lu mari è vita , vita è mari
ammatula luttari si s'incazza
tira lu vuzzu e lassilu sfucàri
aspittannu c'aggira la vunazza .
----------------- 0 ---------------
Finu a quannu la morti unn'allivedda
ricurdamunni sempri di la nassa
p'un fari a fini di la monascedda
rapimu l'uocchi 'nta vita chi passa .
----------------- 0 -------------------
Na vota, quannu c'era lu rispiettu
valia la pena fari beni a tutti
ma ora ogn'unu tira i carti o piettu
e quindi è miegghiu c'unu si nni futti !
------------------ 0 ------------------
Li tiempi sunnu troppu dispirati
'un si capisci cchiu' mancu stagiuni,
veni lu 'nvernu 'nveci dilla stati
lu munnu curri troppu a ruzzuliuni.
------------------- 0 -----------------
Unu chi 'mpaci nasci crisci e mori
'nta ssa terra pulita ammienz'o mari
vardalu sempi dintra lu so cori
pi capiri s'esti figghiu i salinari.
------------------- 0 ------------------
U 'nti fidari i cu di fora vinni
arriedu o so surrisu ci su 'nganni
'nsignacci a strata pi s'aggirarisinni
prima chi ti cummina troppu danni.
-------------------- 0 ------------------
Tu frati m'ha capiri,sunnu cani
sarvaggi e troppu chini di vileni
cumu a Pilatu si lavò li mani
quannu a la so sacchetta nun cunveni.
-------------------- 0 ------------------
Su tutti 'mmerda di spiculaturi
'nni sbattinu 'nta faccia li dinari
mafiusi, priputenti e tradituri,
nni fannu i corna e l'amu a suppurtari !

3

Ora canciu discursu e vurria diri,
quantu ci voli beni lu me cori,
a cchissi petra unni minn'egghiri
prima di la me morti a ripusari.
------------------ 0 -----------------
E subitu mi veni di cantari
setti li stiddi di l'orsa maggiuri,
setti l'isuli nostri 'nta lu mari
setti ed ognuna ha lu so spuri.
------------------- 0 ----------------
Cantu di gigia e cantu di duluri
cantu a la terra chi mi seppi dari,
la prima luci e li primi suduri
la prima sicurizza pi campari !